Diego Maradona merr pjesën në ndeshjen Argjentinë – Islandë me dy ora në duar

16:17 | 16 Qershor 2018
Arbresh Info

Diego Maradona është parë në turmë duke marrë pjesë në ndeshjen e kësaj të shtune mes Argjentinës dhe Islandës.

Fituesi i Kampionatit Botëror dukej tepër i ndezur duke bartur disa syze të kuqe dhe dy ora dore në stadiumin Spartak në Moskë, transmeton portali arbresh.info.Tifozët në rrjete sociale kanë reaguar menjëherë duke dhënë arsyet e tyre pse Maradona ka vendosur për të bartur dy ora të ndryshme, gjë të cilën ua zbulojmë ne.

Njëra orë në dorën e Maradonas tregon kohën lokale, ndërsa tjetra orë tregon kohën në vendlindjen.Si një karakter ekstravagant, Maradona mori pjesë në hapjen e turneut të Argjentinës duke shijuar gjithashtu një puro të madhe.

Vlen të përmendet që pjesëmarrja e tij në këtë turne ishte rrezikuar gjithashtu për shkak se ikona e Argjentinës ka pasur probleme shëndetësore dhe ishte hospitalizuar në Kolumbi në fillim të këtij muaji./arbresh.info/